Казахстанаас Монголд малын вакцин нийлүүлэхэд бэлэн

Малын гаралтай бүтээгдэхүүн нь олон улсын аюулгүйн стандартад нийцсэн байх нь чухал хэмээн Казахстаны Ерөнхийлөгч Касым-Жомарт Токаев хэллээ.

 

Монгол Улсын Ерөнхийлөгчийн Ухнаагийн Хүрэлсух, Казахстаны Ерөнхийлөгч Касым-Жомарт Токаев нар хэвлэл мэдээллийнхэнд зориулан мэдээлэл хийсэн билээ.

 

Энэ үеэр Казахстаны Ерөнхийлөгч Касым-ЖомартТокаев нь хоёр улсын хамтран ажиллаж буй салбаруудыг онцлон дурдсан.

 

Тэрээр хэлэхдээ “Манай хоёр улс асар их байгалийн баялагтай. Казахстан нь уул уурхай, тэрднудаа хайгуул болон ашигт малтмал боловсруулах салбарт нэлээд туршлагша хуримтлуулсан. Бид энэ салбарыг хөгжүүлэхийн тулд хамтран ажиллахад бэлэн байна.

 

Хөдөө аж ахуйг шинэчлэх, мал аж ахуй салбарыг дэмжих нь манай хоёр улсын хувьд маш чухал. Өнөөдөр малын гаралтай бүтээгдэхүүн нь олон улсын аюулгүй стандартад нийцсэн эсэхийг баталгжуулах нь маш чухал. Казахстан нь малыг өвчнөөс хамгаалах вакцин үйлдвэрлэж эхэлсэн. Бид дотооддоо хэрэглэж байгаа вакцинаа Монголд нийлүүлэх сонирхолтой байгаа. Мөн хамтарсан үйлдвэр байгуулах боломжийг ч судлаж байна.

 

Казахстан нь Монголын талаас санал болгосон дэлхийг алсын зайнаас тандан судлах систем бий болгох төлөвлөгөөг дэмжинэ. Мөн энэ салбарын чадварлаг мэргэжилтнүүдийг сургаж өгөх боломтжой.

 

Манай улс цахим хөгжилд онцгой анхаарал хандуулдаг. Энэ нь ирээдүйд манай улсын дэлхийд өрсөлдөх байр суурийг тодорхойлохуйц хөгжлийн стратегийн чухал чиглэл. Ноён Хүрэлсух өнөөдөр олон улсын “Alem.Al” төв буюу ухаалаг хотын удирдлагын төвд зочилно.

 

Манай хоёр улс цахим салбар дахь хамтын ажиллагаагаа хөгжүүлэх сонирхолтой байгаа” гэжээ.