Буриад, Малайз, Тайваний төлөөлөгчид аялал жуулчлалын хөгжлийн хэтийн төлөвийг хэлэлцэв
Гадаадын аялал жуулчлалын компаниудын төлөөлөгчид буддын сүм дуган, ариун дагшин газруудыг сонирхохын зэрэгцээ хил дамнасан мөргөлийн маршрут бий болгоход оролцоход бэлэн байна.
Малайзын аялал жуулчлалын холбооны Malaysian Inbound Tourism Association (MITA) ерөнхийлөгч хатагтай Леонг болон Малайз, Тайваний аялал жуулчлалын компаниудын удирдагчид аялал жуулчлалын мэдээллийн “Байкал” төвд уулзалт хийлээ.
“Талууд аялал жуулчлалын салбарын харилцааг хөгжүүлэх хэтийн төлөвийн талаар ярилцлаа. Хилийн чанадаас ирсэн зочид бурхны шашны сүм хийд, ариун дагшин газруудыг сонирхож, Буддын шашны олон улсын хоёрдугаар форумын үеэр яригдсан хил дамнасан мөргөлийн маршрутыг бий болгоход оролцоход бэлэн байна” гэж Буриадын Аялал жуулчлалын сайд Алдар Доржиев өөрийн телеграм сувагт мэдэгдэв.
Гадаадын тур оператор компаниудын төлөөлөгчдийг Буриадад айлчлахын өмнө аялал жуулчлалын “Байкал партнер” компани зохион байгуулалтын өргөн ажил өрнүүлжээ.
Доржиев “Манай зочдыг Байгаль нуур орчим болон Монгол орноор хийх хоёр долоо хоногийн сонирхолтой аялал хүлээж байна”, - гэж мөн мэдээлжээ.
