Хятад аюулгүй байдлынхаа шинэ хуулийн төсөл боловсруулаж байна

Тухайн хууль “ард түмнүүдийн үндсэн ашиг сонирхолыг хамгаалах” зорилготой бөгөөд аюултай нөхцөл байдал үүссэн үед түүнийг засах залруулах, хэвийн байдалд оруулах үедээ улсын аюулгүй байдлын хүрээнд иргэд, байгууллагын ашиг сонирхол, эрхийг дээд зэргээр хамгаалах арга хэмжээнүүдийг зохицуулах юм байна.

Энэ хуулийн төслийн анхы хэлэлцүүлэг даваа гарагаас ням гараг хүртэл Бээжинд үргэлжилж байгаа БХАТИХ-ын Байнгын хорооны 12 дугаар хуралдаанаар хэлэлцүүлэгдэж ажээ.

БХАТИХ-ын хуулийн асуудал эрхэлсэн ажлын комиссийн тэргүүн Ли Шиши хууль тогтоогчдод хандан “Улсын аюулгүй байдлын талаар, шинэ нөхцөл байдал, шинэ үүрэг зорилго тулгарсантай холбогдон иж бүрэн, нэгдмэл нэг, мөн суурь хууль боловсруулах шаардлагатай байгаа” хэмээн хэлсэн байна.

Энэ төслөөр “улсын аюулгүй байдал” гэсэн ойлголтыг улсын засаг захиргаа, тусгаар тогтнол, эв нэгдэл, нутаг дэвсгэрийн бүрэн бүтэн байдал, ард түмний халамж, эрүүл эдийн засаг болон нийгмийн тогтвортой хөгжил, бусад үндсэн ашиг сонирхол нь харьцангуй аюулгүй байдалд байгаа бөгөөд дотоод болон гадаад аюул заналхийлэлээс ангид байх. Үндэсний аюулгүй байдал гэдэг нь ийм аюулгүй байдлыг хангаж чадах чадвартай байхыг хэлнэ хэмээн тодорхойлжээ.

Анхны улсын аюулгүй байдлын тухай хуулийг 1993 онд Хятадад баталж байсан юм. Тэр хуулиар үндсэндээ сөрөг тагнуулын үйл ажиллагааг зохицуулдаг байсан билээ.

Энэ оны 11 дүгээр сарын БХАТИХ-ын 11 дүгээр хуралдаанаар Сөрөг тагнуулын тухай шинэ хуулийг батлах үүний зэрэгцээ улсны аюулгүй байдлын тухай хуучин хуулийг 12 дугаар хуралдаанаараа дахин шинэчилэхээр болсон юм.

Орчуулсан М.Азжаргал