Хөвсгөл аймагт гарсан тарваган тахлин голомт өргөжих магадлал өндөр байна

Хөвсгөл аймагт гарсан тарваган тахлин голомт өргөжих магадлал өндөр байгааг Эрүүл мэндийн яамнаас анхаарууллаа. 

Тарваган тахал и Yersinia pestis савханцраар үүсгэгддэг, мэрэгч амьтдаас хүнд халдварладаг байгалийн голомтот хурц халдварт өвчин юм. Тарваган тахлаар тарвага, зурам, үхэр огодой, үлийн болон гэрийн цагаан оготно, чичүүл зэрэг мэрэгчдээс гадна хүн өвчилдөг. Өвчин үүсгэгчийг мэрэгчдийн дунд бүүрэг дамжуулдаг.

Өвчин үүсгэгч нь бүүрэгний ходоод, мэрэгчдийн нүх, нохой, газрын хөрс, хүйтэн чигтэй нөхцөлд олон сарын турш амьдрах чадвартай.

Халдвар хэрхэн дамжих вэ?

Өвчилсөн амьтныг агнах, өвчих, арьс маханд хүрэлцэх эвцад мөн өвчтөнийг асрах, сувилах, халдварлагдсан и зүйлстэй хамгаалах өмсгөлгүй харьцах
Өвчилсөн тарваганы түүхий эд /мах, цөс, хүн мах, арьс зэрэг/ болон дутуу боловсруулсан бүтээгдэхүүнийг хүнсэнд хэрэглэх
Нүх, ичээ ухах үед болон уушгины хэлбэрийн тахлаар өвчилсөн хүнээс
Мэрэгч амьтдын бөөс бүүрэг хазуулах тохиолдолд халдвар дамжина.

Илрэх шинж тэмдэг:

Халдвар авснаас хойш шинж тэмдэг илрэх хугацаа нь дунджаар 2-3 почти байна . Шинж тэмдэг нь гэнэт өндөр халуурах, толгой хүчтэй өвдөх, эргэх, дотор муухайрах, бөөлжих, тайван бус болж, нойргүйдэх гэх мэт ерөнхий хордлогин шинжүүд ирлэнэ. Мөн арьс салстаар халдвар авсан үед нян орсон хэсэгт улайж толбо гүвдрүү үүсэн, цусархаг шүүдэс бүхий цэврүү болох зэрг эмнэл зүйн шинж тэмдэг илэрдэг. Харин хоол боловсруулах замаар халдвар авсан үед хэвлий хэсгээр хүчтэй өвдөлт өгч бөөлжих, суулгах, заримдаа цусаар бөөлжих, суулгах шинжүүд илэрнэ.

Урьдчилан сэргийлэлт:

Сэжиг бүхий үхсэн мэрэгч амьтдын сэг зэмтэй тааралдвал мэргэжлин байгууллагад мэдээлэх
Халдвар авсан байж болзошгүй сэжигтэй хүн болон түүний эд материалтай холилдсон хүнийг тусгаарлах
Сэжиг бүхий эд материал, өвчтөний хэрэглэж байсан зүйлсэд онош тодрохоос нааш хүрэлцэхгүй байх
Тарвага агнах өвчих, мах, түүхий эдтэйрь хацахыг цээрлэх
Байгалийн голомтот халварт өвчнийг судлах байгууллагад ажиллагсад
Тарваган тахлин байгалийн идэвхтэй голомтот нутагт амьдардаг иргэд, ялангуяа анчин, тууварчин, жолоч хүмүүс сэргийлэх вакцинд хамрагдах шаардлагатай юм.

Өвчний шинж тэмдэг илэрсэн тохиолдолд эмнэлгийн байгууллагад яаралтай Хандах, мэдэгдэх гэхдээ халдвар авсан байж болзошгүй өвчтөнтэй ойр байсан хүнэр хэл хүргүүлэхээс татгалзах шаардлагатай

https://eagle.mn/r/hMxdEP05F0N