Монголын махыг жилийн турш экспортолдог болно

Монгол улс худалдааны түр хэлэлцээр байгуулагдсаны дараа Евразийн эдийн засгийн холбооны орнуудад (ЕАЭЗХ) 367 төрлийн бараа нийлүүлдэг болно. Монголын засгийн газрын  Тэргүүн шадар сайд бөгөөд эдийн засаг, хөгжлийн сайд Лувсаннямын Гантөмөр хэвлэлийн хурал дээр мэдээллээ.

“Худалдааны түр гэрээ байгуулагдсаны дараа Монгол Улсын 367 нэр төрлийн бүтээгдэхүүнийг ЕАЭЗХ-ны орнуудад татваргүй нийлүүлнэ” гэж Тэргүүн шадар сайд хэллээ. Тэрбээр Москвад чөлөөт худалдааны түр хэлэлцээр байгуулах асуудлаар ЕАЭЗХ-той гурав дахь шатны хэлэлцээ хийлээ. Түүнд гарын үсэг зурсанаар (2025 оны тавдугаар сард) Монголын аж ахуйн нэгж, экспортын байгууллагууд жилд 16,6 сая ам.долларын гаалийн татвараас чөлөөлөгдөх боломжтой болно. Энд хамаарагдаагүй барааг ЕАЭЗХ-д худалдахад төрөл бүрийн хөнгөлөлттэй байх болно. "Монголын махны экспорт жилийн туршид хийгддэг болно. Улс эндээс 500 сая ам.долларын орлого олох боломжтой. Мөн ийм хэмжээгээр Монголын нэртэй брэндүүдийн ноолуур, сүлжмэл эдлэлийг Евразийн зах зээлд гаргах боломжтой" хэмээн сайд тэмдэглэв. Өмнө нь Монголын талтай хэлэлцээ хийснийхээ дараа Евразийн эдийн засгийн комиссын Худалдааны сайд Андрей Слепнев, Монгол Улс болон ЕАЭЗХ-ны 375 нэр төрлийн бүтээгдэхүүнд тарифын хөнгөлөлт үзүүлэхээр талууд харилцан тохиролцсон тухай мэдээлж байсан юм.

 ОХУ-Монгол-БНХАУ-ын эдийн засгийн коридор байгуулах хөтөлбөрийн хүрээнд Монголын тал ЕАЭЗХ-ны бараг бүх гол нэрийн бараа болох чихэр, сүүн бүтээгдэхүүн, нефтийн бүтээгдэхүүн болон нефть химийн бүтээгдэхүүн, тээврийн хэрэгсэлд хөнгөлөлт эдлэх нөхцөлүүдийг тохиролцжээ. 2024 оны тавдугаар сарын 8-нд болсон Евразийн эдийн засгийн дээд зөвлөлийн хуралдааны үр дүнд Монгол Улстай худалдааны түр хэлэлцээр байгуулах шийдвэр гарсан бөгөөд энэ хүрээнд хязгаарлагдмал нэр төрлийн бараа бүтээгдэхүүнд ногдуулдаг харилцан худалдаанд ногдуулах татварыг тэглэх буюу бууруулахаар болсон юм.