Улаанбаатарт анхны цахим номын сан нээгдэв
Тус номын сангийн цуглуулгад 1000 гаруй электрон ном багтсаны дотор нэр алдартай жүжигчдийн уншиж бичүүлсэн 63 ном байна.
“НЭБ Свет” аппликэйшний шинэчлэн тохируулсан хувилбараар тоноглогдсон цахим номын сан Монголын Үндэсний номын сангийн шинэ байранд ажиллаж эхэллээ. Тус номын санг оросын утга зохиолын ном бүтээлүүдээр сэлбэж, ОХУ-ын Соёлын яам, Гадаад хэргийн яамны дэмжлэгээр Орос Улсын номын сангаас бэлэглэсэн таван электрон төхөөрөмжид байршуулсан байна.
Цуглуулгад 1000 гаруй цахим ном орсны 63-ыг нэртэй жүжигчид уншиж бичүүлжээ. Ийнхүү дунд сургуулийн сурагчдын уншлагын хөтөлбөрт багтсан оросын болон дэлхийн уран зохиолын дээж бүтээлүүд, Орос болон өөр бусад гадаад орнуудын ард түмнүүдийн үлгэр, шинжлэх ухаан танин мэдэхүйн ном товхимлууд Монголын уншигчдын хүртээл болж байна.
Нээлтийн ёслолд Үндэсний номын сангийн захирал, Монголын зохиолчдын холбооны дарга, хатагтай Б.Ичинхорлоо мэндчилгээ дэвшүүлж үг хэлэв. Тэрээр ОХУ-д цаг үеэ олсон, орчин цагийн бэлэг барьсанд талархлаа илэрхийлж, орос хэлээр уншдаг монголын номын хорхойтнуудыг номын сангийнхаа цахим уншлагын танхимд урилаа.
НЭБ нь томоохон номын сан, музей, архив, хэвлэлийн газрууд болон бусад эрх эзэмшигчдийн оролцоотойгоор ОХУ-ын Соёлын яамны байгуулсан Холбооны улсын мэдээллийн систем юм.
Энэхүү системд шинжээчдийн шилж сонгож авсан, системчлэгдсэн, итгэмжлэгдсэн, орчин үеийн мэдлэг шаардаж буй сургуулийн сурагчид, оюутнууд, эрдэмтэн судлаачид зэрэг өргөн хүрээний хэрэглэгчдийн эрэлт хэрэгцээнд нийцсэн чухал ном бүтээлүүд багтжээ.
НЭБ системд улсын болон орон нутгийн номын сангууд, боловсрол, шинжлэх ухааны болон бусад төрийн болон орон нутгийн байгууллагуудын номын сангууд, мөн баримт бичгүүдийн цахим болон биет ном дурсгалуудын хадгалалт хамгаалалтыг хариуцдаг байгууллагууд нэгдсэн байдаг.
Тус номын санг хэрэглэгчид зохиогчийн эрхээр хамгаалагдсан НЭБ-ийн иж бүрэн бүтцэд чөлөөтэй нэвтрэх эрхтэй байдаг. Үүний зэрэгцээ тус сүлжээний сан хөмрөгийн гуравны хоёр гаруй хувийг НЭБ порталаар эсвэл үүрэн холбооны хавсралтуудын тусламжтай чөлөөтэй унших боломжтой байдаг байна.
