“Голос Забайкалья” уралдаанд Монгол, Хятад, Белоруссийн төлөөлөгчид оролцов
«Голос Забайкалья» олон улсын уралдаан 7 дахь жилдээ болж, 500 гаруй оролцогчид чууллаа.
Гуравдугаар сарын 30-нд Чита хотноо Олег Лундстремийн нэрэмжит эстрад болон жааз дуу дуулаачдын «Голос Забайкалья» Олон улсын VII уралдаан эхлэв. Энэ жил тус наадамд Өвөрбайгалийн хязгаар, Сибирь, Алс Дорнодоос болон Монгол, Хятад, Белорусс улсуудаас 500 гаруй дуучид, хөгжимчид, дуу зохиогчид, багш нар оролцлоо.
Уралдааны нээлтийн ёслолыг удирдаач Дмитрий Скобельцыний удирдсан «Юность» найрал хөгжимчдийн тоглолт чимэв. Хөгжимчид жаазын домог болсон Дюк Эллингтон, Глен Миллер нар болон бусад уран бүтээлчдийн бүтээлүүдээс үзэгчдэд толилуулжээ.
«Агуу Олег Лундстремтай нэг нутагт төрсөн Өвөрбайгальчууд их азтай. Тэрээр агуу хөгжимчин төдийгүй жинхэнэ эх оронч хүн байсан юм», — гэж төслийг санаачлагч, Соёлын тэргүүний ажилтан Галина Сыроватка тэмдэглэв.
Уралдаанд оролцогчид амьд хөгжмийн тоглолт, дуу хөгжмийн ансамбль, гоцлол дуу, хамтлаг уран бүтээл гэсэн янз бүрийн төрөлд өрсөлдөх юм. “Энэ бол хөгжимчдийг, залуу дуучид уран бүтээлчдийг дэмжин урамшуулдаг соёлын гайхалтай арга хэмжээ юм. Хүүхдүүд жинхэнэ урлагтай танилцаж байна”, - гэж «Гуранёнок» театрын уран сайхны удирдаач Олеся Гирлейн-Усаченко сэтгэгдлээ хуваалцлаа.
Уралдааны хүрээнд нэртэй хөгжимчдийн мастер класс сургалтууд мөн явагдана. Ойрын өдрүүдэд сонсгол явагдаж, 4 дүгээр сарын 2-ноос Эрхүүгийн жааз дөрвөл болон домогт Олег Лундстремын ач үеэл дүү Петр Лундстремын оролцсон гала тоглолт болно.
6+
Гэрэл зураг: Пресс-служба Минкульта Забайкалья
Үйл явдлын өрнөл: ЗабайкальеконкурсфестивальМонголияРоссияКитайГолос Забайкалья
