Кадетийн сургуулийн цэнгээнт бүжгийн үдэшлэгт Монгол, Хятадын залуус оролцжээ. ВИДЕО
Улаан-Үдэд «Даян дэлхийн энх тайвны төлөө!» кадетийн сургуулийн цэнгээнт бүжгийн үдэшлэг 9 дэх удаагаа боллоо.
Н.А.Бестужевийн нэрэмжит Оросын драмын театрт болсон цэнгээнт бүжгийн үдэшлэгт сонсогчийн дүрэмт хувцсаар ижилдсэн бусад оролцогчдын хамтаар бүжгийн хэмнэлт бүжсэн оролцогчдын нэг нь №58 сургуулийн сонсогч Бато Алсагаев байв. Тэрээр цэнгээнт бүжгийг тэсвэр хатуужлын жинхэнэ сорилт гэж үздэг байна.
- Бүжгийг идэвх чармайлт гаргаж байж сурдаг. Бусад сургуулилалтын үеийн дасгал хөдөлгөөнөөс ялгаагүй. Маш их ядарч, хөлс урсдаг ч бүжгээ гоёмсог, чанартай үзүүлэхийн тулд бид бүхнээ дайчилдаг, - гэж Бато тэмдэглэн хэллээ.
Энэ жил, Улаан-Үд хотын №58 сургуулийн зохион байгуулсан тус цэнгүүн олон улсын статустай болсон юм.
- Тус цэнгээнт бүжгийн үдэшлэгт манай Улаан-Үд хотын сонсогчдоос гадна Монгол, Хятадын залуус анх удаа ирж оролцлоо. Хөтөлбөрт ард түмнүүдийн уламжлалт бүжгүүд багтсан нь оролцогчид бие биеэ илүү таньж мэдэж, улс бүрийн соёлын баялаг өв уламжлалтай танилцах боломжийг олгож байлаа, - гэж боловсролын Хорооны дэд дарга Валерий Цыбыкдоржиев ярилаа.
Цэнгүүний Хаанаар №58 сургуулийн сурагч Сергей Козлов, Хатнаар Ксения Бурмакина нар тодорсон юм.
Сонсогчдын дараагийн цэнгүүний бэлтгэл ажил энэ сарын 17-нд болсон энэ удаагийн цэнгүүн дууссаны маргаашаас эхэлсэн юм. Энэ онд тус ёслол Аугаа их ялалтын 80 жилийн ойд зориулагджээ.
\7
