Буриадын дизайнер Москвагийн загварын долоо хоногт коллекцоо толилуулав. ФОТО
Abzaeva брендийн толилуулсан коллекци нь орчин үеийн өнгө аяс оруулсан үндэсний хувцасны баяжуулсан сэдэвтэй байв.
Москвагийн загварын долоо хоног Манеж үзэсгэлэнгийн танхимд болж Москва, Екатеринбург, Иваново, Лыткарино, Омск болон Улаан-Үд зэрэг хотоос, мөн Армени, ӨАБНУ гэсэн хоёр улсаас загвар зохион бүтээгчид 15 цомгоо дэлгэн үзүүллээ. Тус арга хэмжээний үеэр зах ажиллаж, Москвагийн загварын долоо хоногийг үзэгчид янз бүрийн хотын 100 гаруй брендийн хувцас, гутал, аксессуаруудаас сэтгэлдээ нийцүүлэн худалдан авах боломж нээлттэй байлаа.
«Москвагийн загварын долоо хоног»-ийн дөрөвдэх удаагийн арга хэмжээнд ОХУ-ын янз бүрийн район болон гадаад орнуудаас 180 гаруй дизайнер оролцож, өөрсдийн цуглуулга, бүтээлээ янз бүрийн хэлбэрээр толилуулж байна. Москвагийн загварын долоо хоног тодорхой тогтсон хуваарьтай бөгөөд жилд хоёр удаа болдог. Энэ нь дэлхийн жишиг болон салбарын төлөөлөгчдийн хүсэлт шаардлагад нийцэж байгаа юм. Москвагийн Засгийн газрын сайд, Москва хотын Соёлын газрын дарга Алексей Фурсин “Оросын болон гадаадын дизайнерууд манай загварын долоо хоногт оролцож дадаж байна” гэж ярив. Оросын болон гадаадын загвар зохион бүтээгчдийн шоунд загварын болон мэдээллийн сонин хэвлэлүүдийн гол томоохон сэтгүүлчид, инфлюнсерүүд, худалдан авагчид, стилистууд, блогчид оролцов.
Энэ томоохон арга хэмжээнд Буриадын Бүгд Найрамдах Улсыг төлөөлж Надежда Абзаева оролцлоо. Түүний брэнд үндэсний агуулгыг орчин үеийн хэв маягтай хослуулдаг. Өөрийн загварын ордны ерөнхий дизайнер Надежда Абзаева Буриад улсын уламжлал, соёлын дэг ёсыг хүндэтгэн дагаж, нутаг орныхоо онцлог хэв маягийг орчин цагийн өгүүлэмжтэйгээр толилуулж байна. Цуглуулгын гол онцлог нь хэлбэр хийц нь байлаа: өөр өөр хуваалтууд, урт зангилаа, цэгцгүй уяа үдээс, мөн драпан оруулгуудтай байв. Ингэж олон хийц хэв маягийг оролцуулсан нь олон давхар мэт харагдах байдлыг бий болгожээ. Буриадын тод өнгөлөг хэв маягийг О-силуэт бүхий ханцуй, хар, үнс, хар хөх, оюу, индранил зэрэг өнгө дагнасан бүүдгэр өнгөтэй хослуулсан нь цуглуулгын гол өнгө болжээ. Манай нутгийн бүсгүйн урлал үзэгчдэд ихэд таашаагдаж баярлуулсан юм.
Энд дурьдахад, энэ жил Москвагийн загварын долоо хоногт ОХУ-ын янз бүрийн бүс нутгаас болон гадаадын 180 оролцогч өөрсдийн цуглуулгаа танилцуулсан юм.
Үйл явдлын өрнөл: РоссияБурятиямодаколлекция одеждыдизайнерНеделя моды
