Монголын дуурь бүжгийн театр Улаан-Үд хотод «Аида» дуурь тоглоно

Энэ тавилт нь орчин цагийн найруулагчдын “далд” шинэ утгажуулалтгүйгээр хөгжмийн зохиолчийн эх санаанд үнэнч байдлаараа ялгардаг. Вердийн  бүдгэрч саараагүй цэвэр тансаг сор бүтээлийг монголын уран бүтээлчид  уран чадварын дээд түвшинд тоглохыг таашаан сонирхох боломж үзэгчдэд тохиох болно.

Удирдаач Анатолий Чепурнойн удирдлага дор найрал хөгжимчид драмын бүхий л зөрчил, дуулалтын гүн гүнзгий утга агуулгыг бүрнээ дамжуулах жинхэнэ Вердийн дуугаралтыг эгшиглүүлнэ.

Монгол улсын Гавьяат жүжигчин Г.Ганбаатар, соёлын гавьяат зүтгэлтэн Г.Оюун нарын туурвисан жүжгийн уран сайхны тавилт нь үзэгчдийг Эртний Египетийн агуу уур амьсгалд автуулах болно. Баян тансаг хувцаслалт, гайхамшигт тайз чимэглэл фараонуудын эрин үеийг агуу сүр жавхлант байдлаар нүдний өмнө цогцлоодог.

Монгол улсын Гавьяат жүжигчин Н.Дашбямбын удирдсан найрал дууны хэсгүүд мөн онцгой анхаарал татдаг. Дуурийн гол чухал агшнуудын жинхэнэ туульсийн аялгууг бүтээх олны хэсгийн үзэгдлүүдийн өргөн хүрээ далайц, яв цав гүйцэтгэл нь бахадмаар..

Монгол улсын Дуурь бүжгийн Эрдмийн театрын тэргүүн гоцлоочид Вердийн дүрүүдийн чин сэтгэл, драматизмыг уран чадвараараа нээн үзүүлэх болно. Гол баатар Аида, Радамес болон Амнерис нарын зөрчил, тэдгээрт дуулж буй гоцлоочдын дуулалтын урлаг драмын жинхэнэ бодит хүчийг үзүүлжээ.

Тавилтыг Анатолий Чепурной монголын найруулагч Б.Мэндбаяр, Б.Цэрэндаваа нарын идэвхтэй оролцоотойгоор гүйцэтгэснээр орос, монголын театрын дэг сургуулиудын үнэнхүү зохицолт нийлэмжийг бүрдүүлжээ.

Жүжиг гурван үзэгдэл, зургаан тайз дүрслэлээс бүрдэх бөгөөд завсарлагатайгаар гурван цар орчим үргэлжилнэ. Бүжиг дэглэлтийг Монгол улсын Гавьяат жүжигчин Х. Гэрэлчимэг хийж, гэрлийн шийдлийг Соёлын тэргүүний ажилтан  Б. Энхбаатар бүтээжээ.

Буриадын дуурь бүжгийн театрын захирал Дмитрий Дылыковын тэмдэглэн хэлснээр, буриадын уран бүтээлчдийн «Аида» дуурийг гуравдугаар сарын 22-нд, харин монголын уран бүтээлчдийн тавилтаар дөрөвдүгээр сарын 4 болон 5-нд үзэн таашаах сайхан боломж тохиож байна.  Эдгээр тоглолт нь Буриадын дуурь бүжгийн театрын 85 жилийн ойд зориулсан харилцан айлчлан тоглолтын хүрээнд болох юм. Манай театрынхны айлчлан тоглолт дөрөвдүгээр сарын сүүлээр Улаанбаатарт болно.

Билетыг театрын интернэт хуудсаар болон кассаар, мөн «Пушкины картаар» худалдаалж эхэлжээ.

 Буриадын дуурь бүжгийн театрын үйл ажиллагаа нь Буриадын соёлын яам болон тус яамны сайд Соёлма Дагаевагийн дэмжлэгээр хэрэгждэг. Тус яам нь “Гэр бүлийн үнэт зүйлс болон соёлын дэд бүтэц” Холбооны төсөл болон “Гэр бүл” үндэсний төслийн дэд бүтэц зэрэг Холбооны хөтөлбөрүүдтэй холбоотой бусад уран бүтээлийн төслүүдийг амжилттай хэрэгжүүлж байна.

16+