Эмэгтэйчүүдийн инээмсэглэл, сайхан санаачилгуудын марафон
Улаанбаатар дахь Русский Дом-ын түнш Монголын эмэгтэйчүүдэд зориулсан «Хаврын уулзалт» баярыг Оросын Шинжлэх ухаан, Соёлын төв 3 дугаар сарын 9-нд зохион байгуулав.
Дор бүрдээ - амжилт, мэргэжлийн ур чадварын тод үлгэр жишээ болсон сэтгүүлчид, жүжигчид, олон нийтийн байгууллагуудын удирдагчид, бизнес хатагтай нар, дуучид, дүрслэх урлагийн зүтгэлтнүүд, багш нар цугларчээ.
«Үзэсгэлэнт эмэгтэйчүүд та бүхний олонх нь Русский Дом-той орос хэлийг түгээн сурталчлах эс бөгөөс эрдэм судлалын онцлог төслүүд, үзэсгэлэн бүтээх хамтын төслүүдээр холбогдсон бол, өөр хэн нэгэнтэй нь бид хамтран ном хэвлүүлж эсхүл өргөн хүрээтэй нийгэмд чиглэсэн үйл ажиллагаа явуулж, өөр заримтай нь театрын тоглолт эс бөгөөс концерт тавьж байлаа. Өөрөөр хэлбэл - бид хамтдаа мэдлэгийн хүрээг тэлсэн, өдөр тутмын сэтгэл хөдлөлийг баяжуулсан ач тустай, тод томруун, сонирхолтой зүйлсийг бүтээж иржээ. Сайхан эмэгтэй удирдагчид та бүхэнд Олон улсын эмэгтэйчүүдийн эрхийн өдрийн баярыг онцлогоор дэвшүүлэхийн ялдамд хаврын, хөнгөн дэврүүн, баяр жаргалтай уур амьсгалыг бэлэглэхийг хүслээ»,- гэсэн үгээр Улаанбаатар дахь Русский Дом-ын захирал Валерия Валерьевна Кильпякова тус уулзалтад оролцогч эмэгтэйчүүдэд мэндчилгээ дэвшүүллээ.
Энэ уулзалт өөрөө төдийгүй, эмэгтэй нэг бүрт илгээсэн урилга нь өвөрмөц онцгой байсан бөгөөд ОШУСТ-аас тусгай урилга хүргүүлсэнээр үзэсгэлэнт эмэгтэйчүүдийн хаврын инээмсэглэлийн марафон эхэлсэн юм.
Цай ууж, халуун дулаан яриа өрнүүлэхийн сацуу эмэгтэйчүүд мэдээ мэдээллээ хуваалцаж, шинэ санаагаа ярилцаж, зарим нь тун удахгүй Монгол-Оросын театрын хамтарсан төсөл хэрэгжүүлэх гэж байгаа бол, өөр хэн нэг нь Монголын сурагчдыг түүхийн дугуйланд нэгтгэж, бас Аугаа их ялалтын ойд зориулан үзэсгэлэнгээ бэлтгэж, зарим нь хэвлэл мэдээллийн хэрэгслээр төсөл хэрэгжүүлэх сонирхолтой санаа олсон, хаа нэгтээ ажил албадаа ахиц гаргаж, шинэ зорилт, санаа тавих зүйл, ажил хэрэг бий болсон зэргээр хөөрөлдөнө. Ийнхүү инээмсэглэлийн марафон гайхалтай санал санаачилгуудаа хөөрөлдсөн марафоноор үргэлжиллээ. Гэвч Хаврын баярыг хэн ч умартсангүй, эрхэмсэг эмэгтэй удирдагчид ажлыг түр хойш тавьсны учир нь тэдэнд зориулж Улаанбаатар дахь Русский Дом-д П.И.Чайковскийн хөгжим эгшиглэсэн юм. “Хаврын уулзалт”-ын оролцогчид Оросын агуу хөгжмийн зохиолч П.И.Чайковскийн мэндэлсний 185 жилийн ойд зориулсан хөгжмийн үдшийн хүндэт зочид нь байлаа.
Үйл явдлын өрнөл: МонголияРусский дом в Улан-Баторе
