Орос, Монголын Хууль зүйн яамд хамтын ажиллагааны хөтөлбөр батлав
ОХУ-ын Хууль зүйн сайд Константин Чуйченко, Монгол улсын Хууль зүй Дотоод хэргийн сайд О.Алтангэрэл нар уулзлаа.
Уулзалтын үеэр сайд нар орос-монголын хамтын ажиллагааны өндөр түвшнийг тэмдэглэж, хоёр талын гэрээ-эрх зүйн бааз суурийг өргөжүүлэх талаар хэлэлцлээ. Тэд олон улсын хууль шүүхийн чиглэлээр хоёр орны иргэдийг хамгаалахад чиглэсэн олон улсын гэрээний төсөлд онцгой анхаарал хандуулав. Константин Чуйченко олон улсын эрх зүйн зарчмуудыг хамгаалах чиглэлээр Монголын талаас олон улсын тавцанд гаргаж буй хүчин чармайлтыг өндрөөр үнэлэв. Тэр дунд олон улсын эрх зүйн хүрээнд шүүхийн чиглэлээр хүлээсэн үүргээ ухамсартайгаар биелүүлэх явдал хамаарч байгаа юм. Уулзалтаар ОХУ-ын Хууль зүйн яам, Монгол Улсын Хууль зүй, дотоод хэргийн яам хооронд 2025-2028 он хүртэл хамтран ажиллах хөтөлбөрт гарын үсэг зурлаа. Үүний үндсэн дээр яамд хооронд янз бүрийн чиглэлээр харилцан ажиллах боломжтой болж байгаа юм. Үүнд:
олон улсын эрх зүйн туслалцаа үзүүлэх
хууль тогтоомжийг системчлэх
шүүх шинжилгээний үйл ажиллагаа
Эрүүгийн ялын тогтолцоог хөгжүүлэх багтана.
ОХУ-ын сайд монголын мэргэжил нэгт нөхдөө Санкт-Петербургийн олон улсын хуулийн XIII форумд оролцохыг урив. Тус форум энэ оны 5-р сарын 19-21-ний хооронд Санкт-Петербург хотод болох юм. Монгол Улсын Хууль зүй, дотоод хэргийн яамны төлөөлөгчид ОХУ-ын Хууль зүйн яамны дэргэдэх профессор А.Р. Шляховын нэрэмжит Оросын Холбооны Улсын Шүүхийн шинжилгээний төвд зочиллоо.
Үйл явдлын өрнөл: РоссияМонголиясоглашениемеждународное сотрудничество
