Монголоос Буриад руу мах болон сүүн бүтээгдэхүүн авч орохоор завджээ
Мал эмнэлэг, Ургамал хорио цээрийн хяналтын Холбооны албаны Буриадын салбар Монголоос малын гаралтай түүхий эд, бүтээгдэхүүн нэвтрүүлэх оролдлогыг таслан зогсоожээ.
ОХУ-ын Мал эмнэлэг, ургамал хорио цээрийн хяналтын улсын албаны Бүгд найрамдах Буриад улс болон Эрхүү мужийг эрхэлсэн салбарынхан Хиагтын хилийн боомт болон Наушки төмөр замын өртөөний шалган нэвтрүүлэх цэгүүдэд Монголоос Орос руу болон буцах чиглэлд зорчин яваа авто тээвэр болон галт тэргэнд үзлэг шалгалт явуулдаг.
Нэгдүгээр сарын 24-27-ны өдрүүдэд хийсэн хяналт шалгалтаар Монгол Улсын иргэд мал эмнэлгийн хууль тогтоомж зөрчиж, нийт 8 кг жинтэй сүү, махан бүтээгдэхүүн, малын гаралтай түүхий эд оруулж ирэхийг завдсан зөрчил илэрчээ.
Мал амьтны халдварт өвчний таагүй нөхцөлтэй улс орноос энэ төрлийн бүтээгдэхүүнийг ОХУ-д оруулахыг хориотой байдаг юм. Энэ нь Гаалийн холбооны комиссын 2010.06.18-ны өдрийн 317 тоот шийдвэрээр батлагдсан Евразийн эдийн засгийн холбооны хил, нутаг дэвсгэрт мал эмнэлгийн хяналтыг хэрэгжүүлэх нэгдсэн нэгдсэн журмын тухай заалтыг зөрчсөн үйлдэл юм.
Монгол Улсын зөрчил гаргасан иргэдэд энэ зүйлийн 1 дэх хэсэгт заасны дагуу ОХУ-ын Захиргааны зөрчлийн тухай хуулийн 10.6. заалтыг үндэслэн захиргааны зөрчлийн дөрвөн хэрэг үүсээд байна. Бүтээгдэхүүнийг хураан авч Монгол руу буцаажээ.
Үйл явдлын өрнөл: РоссияБурятияМонголияРоссельхознадзортаможня
