Агинскийн тойрогт анх удаа 3D харвааны Оросын аварга шалгаруулах тэмцээн болно
Энэ өвөрмөц тэмцээнийг байгалийн үзэсгэлэнт Алханай үндэсний парк дахь «Алхана-тур» баазад зохион байгуулна.
2025 оны 7 дугаар сарын 10-14-ны хооронд Агын Буриадын тойрогт байт харвааны 3D төрлийн Оросын Аварга шалгаруулах тэмцээн болно.
Байт харвааны 3D төрөл нь оролцогчид ой мод болон саадтай байршлуудад байрлуулсан амьтдын дүрстэй овор бүхий байг онож цэц мэргэнээ шалгадаг сонирхолтой спортын төрөл юм. Энэ спортын төоөл нь байтын нум сумыг чадварлаг эзэмших чадвараас гадна байгалийн нөхцөлд зүг чигээ сайтар олдог байхыг шаарддаг.
Тэмцээний бэлтгэл хэдийн эхэлжээ. Өнөөдөр Өвөр Байгалийн хязгаарын засгийн газрын дэд дарга, Агын Буриадын тойргийн захиргааны дарга Базар Дугаржапов тэмцээн болох газарт ажлын хэсэгтэй уулзалт хийжээ. Уулзалтад Өвөр Байгалийн хязгаарын байт сурын Холбооны ерөнхийлөгч Ананда Дондоков, Дульдурга аймгийн дарга Аюша Мункуев, “Алхана-тур” баазын захирал Саян Ганжипов нар оролцсон байна.
Энэ үеэр тэмцээн болох газрыг бэлтгэх, тамирчдыг байрлуулах нөхцөл зэрэг зохион байгуулалтын гол асуудлуудыг хэлэлцжээ. Уулзалтад оролцогчид үндэсний паркийн дэвсгэр газрыг тойрон үзэж, дэд бүтцийн бэлэн байдлыг шалгаж, бусад шаардлагатай зохион байгуулалтын ажлуудаар зөвлөлдсөн байна.
Энэ удаагийн тэмцээн тамирчдын хувьд төдийгүй бүс нутгийн хувьд идэвхтэй амралтыг эрхэмлэж, эх орныхоо байгалийг дээдэлдэг хүн бүхний анхаарлыг татсан чухал үйл явдал болно.
Үйл явдлын өрнөл: ЗабайкальеЗабайкальский крайАгинский округ3D стрельба
