Тэргүүлэн хөгжүүлэх Буриадын бүс нутагт шинээр үйл ажиллагаа явуулах компани цахилгаан станцад нүүрс нийлүүлэх 80 км төмөр замыг барина
Тэргүүлэн хөгжүүлэх бүс нутаг Буриадад шинээр үйл явуулах аж ахуйн нэгж жилд 3,5 сая нүүрс олборлож Гусиноозерскийн УЦС-ыг түлшээр хангана.
«Угольный разрез» компани нь Буриад дахь Окино-Ключевскийн хүрэн нүүрсний ордыг ашиглахийн тулд тэргүүлэн хөгжүүлэх бүс нутаг Буриадад үйл ажиллагаа явуулдаг аж ахуйн нэгжийн статустай болжээ. 1 224 МВт хүчин чадалтай Гусиноозерскийн усан цахилгаан станцын өсөн нэмэгдэж буй хэрэгцээг хангах зорилгоор хүрэн нүүрсний олборлолт, тээвэрлэлтийг жилд 3,5 сая тоннд хүргэх нь тус төслийн хэрэгжилтийн үр дүн болно. Төсөл 2028 оноос бүрэн хэрэгжинэ. Алс Дорнод, Арктикийн Хөгжлийн Корпорацитай байгуулсан хэлэлцээрийн дагуу 13,7 тэрбум рублийн төслийн хөрөнгө оруулалт хийгдэж, 89 ажлын байр бий болно.
Гусиноозерскийн УЦС нь Буриад болон хөрш зэргэлдээ бүс нутгуудыг цахилгаан эрчим хүчээр хангахаас гадна 24000 гаруй хүнтэй Гусиноозерск хотыг дулаан эрчим хүчээр хангадаг. 2022 оноос 2024 оны хооронд тус станцын 1, 2 болон 3 энергоблокуудад шинэчлэл хийгджээ. Одоогийн цахилгаан эрчим хүчний өндөр эрэлтийг харгалзан станцын ачаалал өсөн нэмэгдэнэ. Эрэлтийг хангах нэг шийдэл нь Гусиноозерскийн УЦС-ын эрчим хүчний шинэ блок барих ажил байж болох юм.
«Станцын өсөн нэмэгдэж буй түлшний хэрэгцээг хангах үүднээс Окино-Ключевское ордоос хүрэн нүүрсний олборлолт, тээвэрлэлтийн хэмжээг жилд 3.5 сая тонн болгон нэмэгдүүлэх төслийг хэрэгжүүлж эхлээд байна. Зөвхөн төмөр замын тээврээр ийм хэмжээний нүүрс нийлүүлэх боломжтой учраас төслийн хүрээнд 80 орчим километр урт шинэ төмөр зам барих юм. Орд болон цахилгаан станцыг холбоно” гэж “Угольный разрез” ХХК-ийн ерөнхий захирал Олег Потемкин хэллээ.
Алс Дорнод болон Арктикт хөрөнгө оруулалтын шинэ төслүүд хэрэгжүүлэх, бүс нутгуудын эдийн засаг, нийгмийг идэвхтэй өсөлтийг хангах, хүн ардын амьдралын чанарыг сайжруулах нь эрчим хүчний хөгжилтэй салшгүй холбоотойг Алс Дорнод, Арктикийн Хөгжлийн Корпорацийн хөрөнгө оруулалтын төслүүдийн хэрэгжилтийг нягтлах хэлтсийн дарга Виталий Пономарев тэмдэглэв. Төрийн дэмжлэгийн арга хэмжээг ашиглан шинэ үеийн байгууламжуудыг бий болгох шаардлагатай. Тэргүүлэн хөгжүүлэх Оросын Арктикийн бүсийн дэглэмийн хүрээнд тухайлбал ийм объектууд байгуулагдаж байна. Үүний нэг нь “Угольный разрез” компанийн төсөл юм. Төсөл хэрэгжсэнээр Буриад улсын цахилгаан эрчим хүчний хэрэглээний 85 хүртэлх хувийг хангадаг Гусиноозерская УЦС-ыг шаардлагатай хэмжээний хүрэн нүүрсээр урт хугацаанд тасралтгүй хангах боломж бүрдэх юм.
«Угольный разрез» компани тусгай статус эдэлж төрөөс мэдэгдэхүйц хэмжээний багц дэмжлэг авахын тулд Оросын Дорнын хөгжлийн яам, Алс Дорнод, Арктикийн Хөгжлийн Корпораци болон бүс нутгуудын эрх баригчид хөрөнгө оруулагчтай хамтран Тэргүүлэн хөгжүүлэх бүс Буриадын хил хязгаарыг өргөжүүлэх ажил явуулжээ.
“Шинээр үйл ажиллагаа эрхлэх компанид төмөр зам барих зориулалтаар Алс Дорнодын хөгжлийн корпорациас хөнгөлөлттэй түрээсээр газар олгоно. Бид бүгд найрамдах улсад чухал ач холбогдолтой төсөлд шаардлагатай хөнгөлөлт, давуу талыг ашиглахыг баталгаажуулж, төслийг заасан хугацаанд, заасан шинж чанарын дагуу хэрэгжүүлэхэд тус дөхөм болж, оршин суугчдын үйл ажиллагааг иж бүрэн дэмжиж байна” гэж Алс Дорнод, Арктикийн Хөгжлийн Корпорацийн Буриадыг эрхэлсэн захирал Дмитрий Хамеруев хэлэв.
Буриадын хөгжлөөр тэргүүлэх бүсэд шинээр ажил үйлчилгээ эрхлэгч 20 аж ахуйн нэгж Алс Дорнодын хөгжлийн сантай байгуулсан гэрээний дагуу төрийн дэмжлэгийн арга хэмжээ авч төсөл хэрэгжүүлж байна. Хөрөнгө оруулагчид 51.9 тэрбум гаруй рублийн хөрөнгө оруулалт хийж, 2.2 мянга гаруй ажлын байр бий болгож байгаа юм. Одоогийн байдлаар,5,57 тэрбум гаруй рублийн хөрөнгө оруулалт хийж, 360 ажлын байр бий болгожээ.
