2024 онд УБТЗ шинэ дээд амжилт тогтоожээ
Ажиллагааны мэдээллээр, Улаанбаатар Төмөр зам 2024 онд 33,4 сая тонн гаруй ачаа тээвэрлэжээ.
Энэ нь, “УБТЗ” ХХН-ийн нийт түүхийн туршид дээд үзүүлэлт гэж тооцогдож байсан өнгөрсөн оны ижил үзүүлэлтээс даруй 1,1 сая тонн буюу 3,5 хувиар илүү дүн болж байна.
Тухайлбал, 2024 оны 1-12 дугаар сард орон нутгийн зам харилцаагаар 12,6 сая тонн (+1,8%) ачаа тээвэрлэсний 11,6 сая тонн нь монголын ачаа тээшийн экспорт (+4,2%), 3,8 сая тонн нь – Монгол руу чиглэсэн импорт (+6,7%) байсан бол, 5,3 сая тонн ачаа Орос-Хятадын дамжин өнгөрөх ачаа тээш (+3,9%) байжээ.
Улаанбаатарын төмөр замын ачаа тээвэрлэлт 2024 оны туршид 24,2 сая тонноос давсан байна. Энэ үзүүлэлтийн 90 хувь нь нүүрс, төмрийн хүдэр, нефть бүтээгдэхүүн зэрэг түүхий эдийн тээвэрлэлт байжээ.
Энд дурьдахад, 2023 онд Улаанбаатарын төмөр замаар тээвэрлэсэн ачаа тээврийн хэмжээ 32,3 сая тонныг давсан нь Орос, Монголын хамтарсан үйлдвэрийн газрын түүхэн дээд амжилт болсон юм.
Ачаа тээврийн хэмжээ ингэж нэмэгдсэн нь дэд бүтцийн хөтөлбөр хэрэгжүүлж, Орос-Монгол-Хятад чиглэлийн төмөр замын коридорын нэвтрүүлэх чадавхыг нэмэгдүүлсний үр дүн байсан юм. Төлөвлөснөөр бол, 2030 он гэхэд Улаанбаатарын төмөр замаар тээвэрлэдэг ачааны хэмжээ жилд 50 сая тоннд хүрэх юм.
