Буриадад эмийн ургамал тариалалт хөгжүүлнэ
Буриад улсын Хөдөө аж ахуйн Академид 12 дугаар сарын 26-нд Буриадын Хөдөө аж ахуйн яамны төлөөлөгчид зочлов.
Зочид жимсний ургамал боловсруулах лаборатори, эмийн ургамлын материалыг гүн боловсруулах сургалтын эрдэм шинжилгээ, үйлдвэрлэлийн лаборатори, эмийн ургамлын лабораторийн үйл ажиллагаатай танилцжээ.
Хөдөө аж ахуйн сайдын үүрэг гүйцэтгэгч Амгалан Дармаевын айлчлалын хүрээнд голлон яригдсан сэдэв нь тус их сургуулийг газар тариалангийн боловсролын системд нэгтгэх, Буриадын эмийн ургамал тариалалтын салбарын хүч нөөцийн тухай байв. Буриад Улсын Хөдөө ахуйн Академи нь «Приоритет-2030» холбооны хөтөлбөрийн оролцогч, газар тариалангийн аж үйлдвэрийн цогцолборт зориулсан боловсон хүчин бэлтгэх талаар Байгалийн бүс нутагтаа цорын ганц их сургууль юм.
– Буриадын Хөдөө аж ахуйн яам болон тус академийн өмнө тулгарч байгаа хамтын нэг зорилт нь бүс нутагтаа эмийн ургамал тариалах практикийг нэвтрүүлэх явдал юм. Уламжлалт үр тариа нь Оросын илүү үржил шим өндөртэй бусад бүс нутагтай өрсөлдөх боломжгүй бүс нутгийн агрономийн стратегид хийгдэж буй өөрчлөлтийн үед гаргасан шийдвэр юм гэж Хөдөө аж ахуйн сайдын үүрэг гүйцэтгэгч Амгалан Дармаев ярив.
Эрдэм шинжилгээ-үйлдвэрлэлийн лабораториудад “Эмийн ургамал тариалалт” стратегийн төслийн хүрээнд тус Академид бүтээгдсэн биологийн нэмэлт бүтээгдэхүүн, эмийн ургамлын охь бүхий ургамлын тос, уусдаг цай, хүнсний дардсууд, гидролатууд зэрэг бүтээгдэхүүнээс дэлгэн тавьжээ. Буриад улсын Хөдөө аж ахуйн Академид чацаргана, рапс, олсны ургамал боловсруулах эрдэм шинжилгээ судалааны ажил мөн амжилттай явагдаж байна.
Буриадын Хөдөө аж ахуйн сайдын үүрэг гүйцэтгэгч Амгалан Дармаев тус Академийн эрдэм судалгааны нөөц чадавх, жимс жимсгэний үржил селекц, эмийн ургамал тариалалтын тэргүүлэх чиглэлийн хүрээн дэх эрдэмтдийн ажил бүтээлүүдийг өндрөөр үнэлжээ.
Үйл явдлын өрнөл: БурятияБГСХАрастениеводстволекарственные растения
