Буриадын ард түмнүүдийн найрамдлын ордон засварт орж нээгдэв
Үндэстэн-соёлын нэгдлүүд «Байкальская Этнореновация – 2030» хэмээх өвөрмөц төсөл хэрэгжүүлжээ.
12 дугаар сарын 25-нд Буриад улсын Засгийн газрын дэд дарга Алдар Гулгеновын удирдлага дор Төрийн тэргүүний дэргэдэх Үндэстнүүдийн Зөвлөл хуралдав. Оролцогчид 2024 оны ажлын үр дүн, 2025 онд Оросын ард түмнүүдийн Ассамблейн үйл ажиллагааны үндсэн чиглэлүүдийг хэлэлцжээ.
Хуралдааны үеэр зочдод Буриадын ард түмнүүдийн ордны шинэчлэгдсэн байр, үндэстэн угсаатнуудын булангуудыг танилцуулав. Үндэстэн-соёлын нэгдлүүд «Байкальская Этнореновация – 2030» өвөрмөц төсөл хэрэгжүүлж, энэ хүрээндээ тус байрны нэгдсэн загвар дизайнд оруулжээ. Тус ассамблейн сайн дурынхан болон идэвхтнүүдийн хүчээр офисын өрөө тасалгаануудыг мөн засварласан байна.
- Угсаатнуудын ертөнцийг нэгтгэх санаа их эрт төрсөн бөгөөд хэрэгжүүлж чадсандаа баяртай байна. Хамгийн гол нь энд бид нүүдэлчин,казак, хуучны ёс уламжлал ард түмнүүдийн ойролцоо соёлуудыг нэг дор бүрдүүлсэн юм. Айл хөрш зонууд сэтгэгдэл маш өндөр, нүд нь гэрэлтэцгээж байна. Манай бүс нутаг баяр хөөр, эв найрамдуу зангаар ялгарч байгаад бид бахархаж байна. Ард түмнүүдийн ордондоо бид үүнийг тод томруун харж байна, - гэж Алдар Гулгенов тэмдэглэн хэлэв.
Ард түмнүүдийн ордны шинэчлэгдсэн тохижилтод умардын гурван ард түмний зураг дүрслэлүүд, узбек, армен үндэстнүүдийн төрөл бүрийн хээ угалзан чимэглэл, казах, киргизүүдийн бэлгэдэл тэмдгүүд, орос, татар түмнүүдийн гоёл чимэглэлүүд багтжээ. Буриадын байгалийн дүрслэл, хээ чимэглэлээр хана туурга, хөшигийг гоёж, гэрэл зургийн хэсгүүд, жинхэнэ үндэсний хувцас зүүсгэл бүхий манекенүүдтэй музейн үзмэрийн хэсэгтэй байна.
Тажик үндэстэн оршин суугчдын тэргүүн Киебек Бутаев цэргийн тусгай ажиллагаанд оролцогчид, дайчдын ар гэрийнхэнд сайн дурынхан хэрхэн тусалдаг тухай ярьж байна.
-Цэргийн тусгай ажиллагаа эхлэхэд бид штаб байгуулсан. Манай залуучууд сайн дурынхны эгнээнд элсэж, хөвгүүд, нөхрүүдээ цэргийн тусгай ажиллагаанд үдсэн хүмүүст туслах зар түгээж ажилласан юм. Түлээ мод, хоол хүнс, хувцас юу хэрэгтэй болгоноор тусламж үзүүлдэг. Түлээ хагалж, өрж, гэр ахуйн ажилд туслах зэргээр манай сайн дурынхан бүх ажлыг зохион байгуулж гардан хийдэг. Саяхан бид цэргийн тусгай ажиллагаанд квадроцикл илгээсэн. Орос бол манай хоёрдахь эх орон, энд бид 50 жил амьдарч, үр хүүхэд, ач зээ нар маань амьдарч байна. Хүү маань цэргийн тусгай ажиллагаанд оролцогч, шархдаад эмчлүүлж байга бөгөөд эргээд цэргийн ажиллагааны бүс рүү буцаж явна, - гэж Киебек Бутаев ярилаа.
Үйл явдлын өрнөл: БурятиянародыДом дружбы народов
