Орос, Монгол улсууд агаарын харилцаагаа өргөжүүлэхээр хэлэлцэж байна
ОХУ болон Монгол улсын салбарын яам газрууд 2025 оны нэгдүгээр улиралд хоёр улсын агаарын харилцааг өргөжүүлэх боломжийн талаар илтгэл танилцуулах ёстой.
Оросын Байгаль орчны сайд Александр Козлов Оросын талаас өөрийн тэргүүлдэг Орос-Монголын засгийн газар хоорондын комиссын хуралдааны төгсгөлд энэ тухай мэдээлэв.
"Манай орнуудын хооронд аялал жуулчлал эрчимжих сайн төлөв харагдаж байгаа бөгөөд цар тахлын өмнөх түвшинд хэдийн эргэж ороод байна. Тиймээс энэ чиглэлийг бид нэмэгдүүлэхэд бэлэн, эрэлт ч байна. Бид нисэх онгоцуудын чиглэл, хүртээмжийг нэмэх хэрэгтэй байна. Эдгээр асуудлыг Росавиаци болон Монголын энэ чиглэлийн албадад даалгалаа. 2025 оны эхний улиралд эдгээр албадаас бид тайлан сонсох болно”, - гэж Козлов сэтгүүлчдэд мэдээлэв.
Тухайлбал, салбарын яам агентлагууд хоёр орны хоорондох агаарын шугамд нэмэлтээр дайчилж болох агаарын хөлгийн тоо, энэ чиглэлд ямар хотууд шинээр нэмэгдэж болох асуудлаар мэдээлэл боловсруулах ёстой. Үүний зэрэгцээ Улаанбаатартай зөвхөн ОХУ-ын төв хэсгээс бус, Алс Дорнодын Владивосток зэрэг зэрэг бүс нутгаас агаарын харилцаа тогтоох зорилт тавигдаж байгааг тэрээр тэмдэглэн хэлэв. Улаанбаатар хотын нисэх буудлыг мөн Ази болон Европын орнууд руу дамжин нислэгт ашиглаж болно, - гэж тэр нэмж дурьдав.
Нээлттэй эх сурвалжуудын мэдээгээр, Монгол улсын нийслэл рүү одоогийн байдлаар Эрхүү ("ИрАэро" нисэх компани) болон Красноярск ("КрасАвиа") хотоос шууд нислэг үйлдэх боломжтой юм.
Үйл явдлын өрнөл: РоссияМонголияавиарейсыпассажирские авиаперевозки
