«Миссия Добро»: Орос - Монгол

“Россотрудничество”-гийн "Эрхэм сайн зорилго" олон улсын хөтөлбөрийн хүрээнд Оросын туршлагатай хэл ярианы согог засалч эмч багш нарыг оролцуулж, тусгай хэрэгцээт хүүхдүүдтэй ажиллах туршлагаас нь хуваалцсан "Сайн үйлсийн цаг" цахим форум зохион байгуулав. Форумд Монгол Улсаас 40 мэргэжилтэн биечлэн оролцсон бол 100 гаруй нь цахимаар холбогдсон байна.

“Нийслэлийн хэд хэдэн сургуулиас яг ийм мэргэжилтэй боловсон хүчинтэй болох хүсэлтээ бидэнд хандсан. Тийм учраас бид болон сайн үйлсийн сайн дурынхан хамтран энэ чиглэлээр арвин туршлагатай мэргэжлийн эмч нарыг татан оролцуулсан тусгай арга хэмжээ зохион байгууллаа. Тус сайн дурын тусламжийн арга хэмжээг Улаанбаатар дахь Русский Дом санаачилсан байна. Оросын мэргэжилтнүүд оролцсон тус онлайн форум нь “өвөрмөц онцлогтой” гэгдэх хүүхдүүдийн эцэг эхчүүд болон энэ талын мэргэжлийн багш нарт маш хэрэгтэй сургалт байсан нь дамжиггүй”, - гэж Россотрудничествогийн Монгол дахь төлөөлөгчийн газрын дарга В.В.Килпякова хэлэв.

Хөгжлийн бэрхшээлтэй хүүхдүүд, тэдний гэр бүлийн эрхийг хамгаалах "Амьдрах жаргалтай" олон нийтийн байгууллагын ерөнхийлөгч Анастасия Гилева (Пермь), дээд зэрэглэлийн сэтгэл зүйч, дефектологич, "ОХУ-ын ерөнхий боловсролын хүндэт ажилтан" Елена Гарбовская, зан үйлийн чиглэлээр мэргэшсэн шинжээч Ксения Мошева,  сургуулийн өмнөх боловсролын мэргэжилтэн, ярианы эмчилгээний багш, Томатисын 3-р зэрэглэлийн мэргэжилтэн Татьяна Гусева нар илтгэл тавьж оролцов.

Чуулганд Улаанбаатар хотын 55 дугаар тусгай сургууль, 25-р дунд сургуулийн логопед багш, багш бэлтгэх их дээд сургуулиудын багш, оюутнууд болон Буриадын боловсролын бодлогын улсын дээд сургуульд мэргэжил дээшлүлсэн төгсөгчид оролцов. Чуулганыг амжилттай зохион явуулахад 55 дугаар тусгай сургуулийн захирал, Монголын логопедчдийн холбооны Тэргүүн, Монгол Улсын Гавьяат багш Ч.Ганбилэг; тусгай сурган хүмүүжүүлэх ухааны тэнхмийн ахлах багш Г.Батцэнгэл; «Шихихутуг» их сургуулийн багш, дефектологч-логопедч, Б.Одончимэг нарын зэрэг монголын логопедч, сэтгэл зүйч, дефектологч зэрэг мэргэжилтнүүд орчуулга хийж дэмжлэг  туслалцаа үзүүлсэн юм. 

Ерөнхий боловсролын 55 дугаар сургуулийн захирал Чулуунбаатар Ганбилэг: «Одоо манай сургуульд 114 багш ажиллаж байна. 1-5 дугаар ангиуд бага сургууль, 6-10 ангийнхан дунд анги хэмээн тооцогдож, сурагчид 9 дүгээр ангиасаа эхлэн тусгай мэргэжлийн боловсролтой болдог юм. Сургалтын төлөө бүх нөхцлийг хангаж анги бүрт 10-15 хүүхэд суралцаж улмаар бага сургуульд багштай хамт зөвлөгч багш ажилладаг юм. Тийм боловч бидэнд мэргэжлийн сурган хүмүүжүүлэгч багш, тэр дундаа логопедч, физиотерапевтч нар эрэлт хэрэгцээтэй дутмаг байдаг. Сурагчдын эцэг эхчүүд хүүхдүүдээ ярьж сургах, хэрэгтэй мэдлэг олгохын төлөө чармайдаг. Би өөрөө Эрхүүгийн багшийн их сургуулийн дефектологийн тэнхмийн төгсөгч бөгөөд амьдрал дээр харж байхад хөгжлийн бэрхшээлтэй олон хүүхэд жил ирэх тутам улам тааруу болж, олон хүүхэд ярих, өөртөө үйлчлэх чадваргүй болж улмаар аутизмтай хүүхдийн тоо өссөөр байгаа харагддаг. Манай сургуульд логопедчид байгаа, бие даан хичээллэх зориулалтаар тоноглогдсон анги танхим ч бий. Харин үүн дээр үр дүн сайтай практик туршлага нэн хэрэгцээтэй байгаа юм. «Миссия Добро» ажиллагааны сайн дурын шинжээчдийн тусламжтайгаар бид өөрийн логопедч, физиотерапевтчдыг хөгжлийн бэрхшээлтэй хүүхдүүдтэй ажиллах оросын шинэ арга зүй, логопед дасгалуудад сургах болно» гэж ярив.

Лавламж: «Миссия Добро» ажиллагаа бол “Россотрудничество” агентлагаас хэрэгжүүлдэг олон улсын сайн дурынхны хөтөлбөр бөгөөд эрхэм зорилго нь дэлхийн улс орнуудын хамтын нийгэмлэгүүдэд оросын сайн дурынхны хүчээр дэмжлэг туслалцаа үзүүлэхэд оршино. Туршлагатай сайн дурынхан эсвэл эмч, хуульч, барилгачин, аврагч зэрэг нийгмийн ашиг тустай мэргэжлүүдийн төлөөлөгчид нийгмийн чухал төслүүдэд оролцох, янз бүрийн Сан, АББ, ТББ зэргийг дэлхий нийтээр нэгтгэж дэмжлэг үзүүлэх, хүмүүнлэгийн чухал зорилтуудыг шийдвэрлэх, олон нийтийн анхаарлыг тулгамдсан асуудалд хандуулах ажлыг гүйцэтгэж байна.