«Живи на Байкале» наадам дээр дэлхийн газрын зурагтай 100-метрийн мөсөн гулгуурын талбай нээгдэнэ
Тус мөсөн газрын зураг сансраас ч харагдана. Наадмын зочдод зориулж шөнийн гэрлэн чимэглэл бүхий мөсөн тоглоомын талбай барихаас гадна тэшүүр түрээс, яармаг, чаргаар гулгах цэгүүд зохион байгуулах юм.
Мөсөн урлалын «Живи на Байкале» наадам 11 дэх жилдээ 2025 оны 2 дугаар сарын 22-нд Листвянка тосгоны нутагт Байгаль нуурын мөсөн дээр нээлтээ хийнэ. Янз бүрийн бүс нутаг, улс орнуудын урлаачид “Байгаль нуурын ертөнц” сэдвээр гайхалтай мөсөн зохиомжууд бүхий парк бүтээн босгоно.
Мөсөн хотхоны төвд 100 метрийн мөсөн гулгуурын талбай байгуулах бөгөөд түүн дээр сансраас ч харагдахуйц дэлхийн газрын зургийг бүтээнэ.
Үүнээс гадна 2025 оны 2 дугаар сарын 1-н гэхэд барималчид мөсөн гулгуур, аяга, төөрдөг байшин, шөнийн гэрэлтүүлэгт хонгил замууд зэрэг тоглоомын талбай барьж байгуулна. Наадмын зочдод зориулж тэшүүр түрээслэх, бэлэг дурсгалын үзэсгэлэн худалдаа, дулаан кафе, цасан буудлагын талбай, чарга, нохой чарга зэргийг зохион байгуулна.
Мөсөн хотхон 2025 оны 3-р сарын 9-н хүртэл ажиллах бөгөөд түүнээс хойш аюулгүй байдлын үүднээс буулгана.
“Живи на Байкале” наадмын зохион байгуулагчид жил бүр шинэ шинэлэг санаануудыг толилуулдаг гэдгийг энд дурьдах нь зүйтэй. Жишээ нь, 2017 онд “Хүслийн мөсөн номын сан” байгуулж, 2018 онд зүрхэн хэлбэртэй мөсөн гулгуурын талбай бүтээж байсан юм.
Өнгөрсөн онд тус өвлийн наадмын нээлт дээр нуурын зайрмагтсан мөсөөр хийсэн усан оргилуур дээр туйлын туяаг дүрслэн үзүүлжээ.
Мөсөн урлалын наадмыг 2025 оны 2 дугаар сарын 22-ноос 3 дугаар сарын 9-ний хооронд Листвянка тосгонд үзэх боломжтой. Үнэ төлбөргүй.
Гэрэл зураг: Александр Вавилов
Үйл явдлын өрнөл: Байкалледовый фестивальИркутская область
