2025 онд Халимагаас Санкт-Петербург, Казань, Улаан-Үд хотууд руу шинэ нислэгүүд нээгдэнэ
Элстэй хотын нисэх буудал цэргийн тусгай ажиллагааны нөхцөлд үйл ажиллагаагаа сэргээсэн анхны нисэх буудал болов.
Ирэх 2025 онд Халимагаас Санкт-Петербург, Казань, Екатеринбург, Улаан-Үд хотууд руу шинээр нислэг үйлддэг болохоор төлөвлөж байна. Бүс нутгийн тээврийг дэмжих хөтөлбөрийн дүнд ийм боломж нээгдсэн талаар Халимагийн Барилга, тээвэр, зам аж ахуйн яамнаас мэдээлэв.
Элстэй хотын нисэх буудал нь цэргийн тусгай ажиллагааны нөхцөлд үйл ажиллагаагаа сэргээсэн анхны нисэх буудал болж байна. Тус нисэх буудлын үйл ажиллагааны хязгаарлалтыг 5 дугаар сарын 3-наас цуцалсан байна. 2022 онд Оросын төв болон өмнөд бүс дэх 12 нисэх буудлыг түр хаах шийдвэр гарсан юм. Ийм хязгаарлалт Холбооны өмнөд тойргийн Анапа, Геленжик, Краснодар, Доны Ростов, Симферополь хотуудын нисэх буудлуудад үргэлжлэн үйлчилж байна.
"Бүгд найрамдах Халимаг улс 2025 оны бүс нутгийн тээврийг дэмжих хөтөлбөрт хамрагдсанаар Элстэй хотын нисэх буудлын маршрутын сүлжээнд Санкт-Петербург, Казань, Екатеринбург, Улаан-Үд хотууд шинээр багтана. Эдгээр чиглэл тус бүрд тус бүс нутгийн засгийн газраас хамтран олгох санхүүжилтийн хувь 49,5 хувь байх юм”, - гэж ТАСС-ын тодруулгад өгсөн хариултад дурьдсан байна.
Бүс нутгийн эрх баригчид мөн Элстэй-Сочи чиглэлийн нислэгт мөн хамтран санхүүжүүлэх нөхцлөөр дэмжлэг үзүүлэх бодолтой байна.
Элстэй-Санкт-Петебург маршрутаар 2025 оны нэгдүгээр сарын 1нээс 12 дугаар сарын 31-ний хооронд 7 хоногт гурван удаа нислэг үйлдэх бол, Элстэй –Сочи, Элстэй - Казань, Элстэй – Екатеринбург, Элстэй – Улаан-Үд чиглэлд 5 дугаар сарын 1-нээс 9 дүгээр сарын 30-ны хооронд долоо хоногт хоёр удаа нисэх юм. Энэ нь Халимаг руу аялж зорчих жуулчдад илүүтэй эрэлттэй цагийн хуваарь юм.
Үйл явдлын өрнөл: Калмыкияаэропортавиарейсыпассажжирские авиаперевозки
