Буриадын гааль Монголын хоёр иргэнээс их хэмжээний гадаад валют болон үүрэн холбооны 38 утас илрүүлжээ

Хиагт дахь Буриадын хилийн боомтын гаалийн хяналтын ажилтнууд гар утаснууд болон хятадын валют илрүүлжээ. 

Гаалийн хяналтын үед тэдгээр монгол иргэд гаальд мэдүүлбэл зохих эд бараа, мөнгө байхгүй гэж байцаагчид мэдүүлжээ. Гэвч авч явсан ачаанд үзлэгээр гаалийн хяналтаас нуусан бараа олдсон байна. 

Үүрэн холбооны 34 утсыг гаалийн ажилтнууд монголын иргэн эмэгтэйн хувийн эд зүйлс дундах хөргүүртэй цүнхнээс илрүүлжээ. Өөр 4 гар утсыг хувцаснаас нь олсон байна. Тухайн иргэн эмэгтэй «Samsung» фирмийн хуучин гар утсуудыг Улаанбаатарт худалдан авсан бөгөөд БНХАУ-ын Манжуурт очихдоо худалдах бодолтой байсан гэж мэдүүлжээ. 

Харин 80 мянган юанийг жолоочийн хувийн эд юмс дундах даавуу торноос илрүүлсэн байна. Америк долларт шилжүүлбэл 11 мянган доллартай тэнцэх мөнгө байжээ. Харин 10 мянга хүртэл ам.доллартай тэнцэх бэлэн мөнгийг гаальд мэдүүлэлгүй авч нэвтрэх боломжтой байдаг юм. 

Мөнгө болон гар утсуудыг Монголын эдгээр иргэд гаалийн хяналтаас санаатай нуусан бөгөөд тэд Орост өмнө нь нэг бус удаа орж гарч байсан учир эд бараа тээвэрлэх журам, хэм хэмжээний талаар мэддэг байжээ. 

Бичгэн хэлбэрээр мэдүүлэх шаардлагагүйгээр авч орох боломжтой дүнгээс хэтэрсэн мөнгийг хурааж, эм мөрийн баримт хадгалах камерт байрлуулсан байна. Харин гар утсуудыг үнэ өртгийг тодорхойлуулах шинжилгээнд илгээжээ. Уг шинжилгээний дүнгээс хамааран оногдуулах торгуулийн хэмжээг шүүхээр тогтоох юм. 

Монгол улсын тухайн иргэдэд мөн, бэлэн мөнгө, гар утсыг заагдсан журмын дагуу мэдүүлээгүй, гаалийн хяналтаас эд бараа нуусан үндэслэлээр захиргааны зөрчлийн хэрэг үүсгэжээ.  

10 мянган ам.доллартай дүйцэх дүнгээс давсан хэмжээний бэлэн мөнгийг хил гаалиар авч орох болон гарах аль ч тохиолдолд мэдүүлэх ёстой байдаг. Бэлэн рубль авч гарах нөхцөлд хязгаар тогтоодоггүй хэвээр боловч рубль болох гадаад валют хэлбэрээр авч яваа бэлэн мөнгөний хэмжээ 10 000 $-аас давсан тохиолдолд заавал мэдүүлэх журам үйлчилдэг.