Агуу түүхийг технологиор дурандахуй: “ЧИНГИС ХААН” киноны Шотланд дахь нээлт
Хиймэл оюун ухааны тусламжтай бүтээсэн анхны кино - өвөрмөц кино төслийн нээлт Шотландын Гринок хотноо болжээ.
Виктор Слипенчукийн «ЧИНГИС ХААН» найраглалаас сэдэвлэж хиймэл оюуны технологи ашиглан бүтээсэн анхны кино болох өвөрмөц кино төслийн нээлт Шотланд улсын Гринок хотноо болжээ. 11 дүгээр сарын 28-наас 30-ныг дуустал Beacon Art Center-т болсон 8 дахь удаагийн Eurasian Creative Week наадмын хүрээнд «ЧИНГИС ХААН» хэмээх уг киноны нээлт болсон байна.
Уламжлалт амьдралаас өсөж төлөвшсөн агуу цэргийн жанжин, төрийн зүтгэлтэн Чингис хааны амьдрал түүх, өвийн тухай кинонд өгүүлнэ. Суут бие хүн дэлхийн түүхийн эргэлтэд хэрхэн нөлөөлдөгийг харуулсан энэ бүтээл үзэгчдийн сэтгэлийг долгилуулж чаджээ.
Орос улсын гавьяат жүжигчин Владимир Левашев уг кинонд найраглалыг сэтгэлд нэвчтэл уншсан нь бүтээлийг улам уран догдлом болгожээ.
Хөгжмийн зохиолч Талгат Хасеновын хөгжмийн найруулга киноны үйл явдалтай яв цав зохицож тэнд өгүүлж буй агуу хэрнээ сэтгэл дэнслүүлсэн түүхийг улам ч тодотгожээ.
Хиймэл оюун ашиглаж бүтээснээр киног үзэмж болоод найруулга талаас өвөрмөц өгүүлэмжтэй болгож, түүхэн үйл явдлууд, тэдгээрийн өнөөгийн ертөнц дэх ач холбогдлыг өнөө цагийнхны нүдээр харах боломжийг бүрдүүлжээ.
"Энэ төсөл нь агуу түүхэн бие хүнд хүндэтгэл үзүүлж буй төдийгүй, өнгөрсөн цаг үеийг ойлгож ухаарахад, мөн нэн шинэ технологи ашиглах чиглэлд туршлага болох алхам болж байгаа юм. Энэ бүтээлийг Гринокт, соёлын харилцан ойлголцлын нэг хэсэг болгон үзүүлснээрээ бид бахархаж байна”, - гэж наадмыг зохион байгуулагчид тэмдэглэн хэлж байв.
«ЧИНГИС ХААН» киноны нээлт олон улсын форумын тод үйл явдал болсоны зэрэгцээ үзэгчдийн сонирхлыг татаж, бие хүний түүхэнд болоод орчин цагт гүйцэтгэх үүргийг эргэцүүлэн бодуулах бүтээл болжээ.
Евразийн соёлын долоо хоног наадам нь Евразийн орнуудын хооронд соёлын солилцоо, хамтын ажиллагааг хөгжүүлэхэд чиглэсэн арга хэмжээ юм. Үүнээс өмнө Лондон, Бургас, Узбекистанд болж байсан тус наадам бүс нутгийн баялаг түүх, уран сайхны ололт амжилт, шинэлэг уран бүтээлүүдийг түгээж, харилцан яриа, сэдэл тэмүүлэл, харилцан ойлголцлын талбар болдог.
12+
