Мөсөн урлалын Olkhon Ice Fest хоёрдугаар сард Байгаль нуурт болно

Мөсөн урлалын Olkhon Ice Fest наадам 2025 оны хоёрдугаар сарын 15-наас эхлэн зочдоо хүлээн авч эхэлнэ. Арга хэмжээний гол сэдэв нь — «Мөс юуг үл өгүүлнэ вэ». Ольхон арал дээр дөрвөн долоо хоногийн туршид соёлын болон уран бүтээлийн үйл ажиллагаа болж, хүүхдийн мөсөн хотхон, хүүхэд томчуудад зориулсан интерактив тоглоомын газрууд ажиллана гэж зохион байгуулагчид мэдээлэв.

2025 онд тус наадмыг, Орос, Хятадын соёлын жил харилцан зохион байгуулагдаж байгаатай холбоотой Холбооны улсын үндсэн үйл ажиллагааны хөтөлбөрт оруулжээ.  Улмаар Olkhon Ice Fest-2025 наадамд БНХАУ болон Монголоос урлаачдыг оролцуулахаар төлөвлөжээ.

Мөсөн урлалын задгай галерей 2020 оноос хойш өвөл болгон Бөө хадны дэргэд гарч байна. Наадам цаг агаарын байдлаас хамааран нэг сарын турш ажилладаг. Үзмэрийн үндсэн хэсэг нь мөсөн хуванцар техникээр бүтээсэн урлалууд байдаг. Эргийн цалгиа, ангал, мөсөн унжлага, овон товон бүгд урлаачдын уран гарын хүчээр үзэсгэлэн болж хувирна.

Мөсөн хуванцар хэмээх чиглэл Ольхон арлаас гаралтай. Түүнийг сэдсэн хүн нь мөс, мод бусад байгалийн материалаар урлагч, олон улсын болон оросын мөсөн баримлын наадмуудын нэг бус удаагийн аварга Александр Парфенов (Барнаул) юм.

2024 оны хоёрдугаар сард баримлын парк байгуулах ажилд 13 урлаач ажиллаж байсан. Километр гаруй үргэлжилсэн урт үзмэр бүтээж байсан юм.