Бату Хасиков: Бурхны шашинтнуудын Олон улсын III форумд бид алхам алхмаар дөхөж байна
Халимагийн тэргүүн болон Буддын боловсролыг дэмжих Сангийн Ерөнхийлөгч Алексей Маслов нар Буддын шашны олон улсын III форумд бэлтгэхтэй холбоотой гол асуудлуудыг хэлэлцэв.
– Халимагийн тэргүүн өөрийн Телеграм сувагт, Бид Буддын шашинтнуудын олон улсын гуравдугаар форумыг зохион байгуулахад алхам алхмаар ойртож байна. Буддын боловсролыг дэмжих Сангийн Ерөнхийлөгч Алексей Масловтой бэлтгэл гол ажлуудыг хэлэлцлээ. Форумын бэлгэдэл болгож бурхны шашинтуудад дээдийн чухал ач холбогдолтой Бурхан багшийн сургаалийн хүрдийг сонголоо, - хэмээн бичжээ.
Энд сануулахад, дэлхийн бурхны шашинтуудын гуравдугаар форум ирэх оны наймдугаар сард Элстэй хотод болно. Өмнөх форумуудын дүнд “Буддын боловсрол” хэмээх их дээд сургуулиудын консорциум байгуулагдаж, Орос дахь бурхны шашны гол түүхэн газруудаар аялах жуулчлалын маршрут болон уламжлалт анагаах ухаан бусад чиглэлийг боловсруулахаар тогтсон юм.
Гол зорилт нь дэлхийн бурхны шашинтнуудын нэгдмэл байдлыг бэхжүүлэх, нийтлэг ирээдүйг цогцлоох явдал юм. Тус форумаар буддын философи, соёлыг хөгжүүлэх ажлуудаас гадна бүс нутагт нь шинэ эх үүсвэрүүд татах ач холбогдолтой хэмээн Халимагийн тэргүүн үзэж байна.
“Өнөөдөр манай бүс нутгийг сонирхох сонирхол асар их болсон байна. Олон хүн манайд ирэх хүсэлтэй болжээ. Бид өөрсдийн хосгүй эрч энерги, өвөрмөц содон соёлдоо түшиглэн бүгдийг нь гайхуулж, басхүү Халимаг орны тухай тод сэтгэгдэл үлдээхээр чармайж байна”, - гэж Бату Хасиков бичжээ.
Үйл явдлын өрнөл: КалмыкияБату ХасиковбуддизмбуддистыБуддийский форум
